Meðgöngumyndataka

Meðgangan er sérstakur tími í lífi hverrar fjölskyldu og líður oft hraðar en maður gerir sér grein fyrir. Meðgöngumyndataka er falleg leið til að varðveita minninguna um þessa stund – líkamann, eftirvæntinguna og lífið sem er að hefjast.

Ég legg áherslu á fallegar, náttúrulegar og tímalausar meðgöngumyndir þar sem þú færð að njóta stundarinnar og vera þú sjálf.

Meðgöngumyndataka í stúdíói

Í stúdíóinu er rólegt og notalegt umhverfi þar sem við gefum okkur góðan tíma til að skapa persónulegar myndir. Ég leiðbeini þér í gegnum myndatökuna og hjálpa þér að finna stellingar og uppstillingar sem þér líður vel með.

Ég býð upp á blúndukjóla og samfellur fyrir þá sem það kjósa, svo þú þarft ekki endilega að finna til sérstakan fatnað fyrir myndatökuna.

Meðgöngumyndataka getur verið einföld og tímalaus eða aðeins meira uppstillt – við finnum saman þann stíl sem hentar þér.

Þú þarft ekki að kunna að sitja fyrir

Það er mjög eðlilegt að vera ekki vön því að vera fyrir framan myndavél. Þú þarft ekki að kunna sérstakar stellingar eða vita hvað þú átt að gera.

Ég leiðbeini þér í gegnum myndatökuna og legg áherslu á að hún sé afslöppuð og notaleg. Markmiðið er að þú fáir myndir sem þér líður vel með og sem sýna þig á fallegan og eðlilegan hátt.

Það er einnig velkomið að maki og eldri systkini komi með í myndatökuna.

Hvenær er best að fara í meðgöngumyndatöku?

Algengt er að taka meðgöngumyndir á síðari hluta meðgöngunnar, þegar bumban er komin vel í ljós en þér líður enn vel.

Það er þó engin ein rétt tímasetning. Hver meðganga er ólík og því finnum við saman þann tíma sem hentar þér best.

Minning sem verður dýrmæt með tímanum

Meðgöngumyndir verða oft enn dýrmætari eftir að barnið er komið í heiminn. Þær varðveita ekki aðeins hvernig þú leitst út heldur líka minninguna um tímann þegar þið biðuð eftir að hitta litla fjölskyldumeðliminn.

Ef þú ert að leita að meðgöngumyndatöku í Kópavogi eða á höfuðborgarsvæðinu, hafðu samband og finnum saman þann tíma og þá útfærslu sem hentar þér.